ایم کیوایم کے بانی وقائدجناب الطاف حسین کے تحقیقی اورعلمی مقالے پرمبنی کتاب ''اسرائیل فلسطین تنازعہ … تاریخی حقائق کی روشنی میں '' کااجرا کردیاگیا
مقالے کو اردو، انگریزی اورعربی زبانوں میں تیار کیا گیا ہے
جناب الطاف حسین نے ایک سادہ سی تقریب میں کتاب کی رونمائی کی
تقریب میں اراکین رابطہ کمیٹی اورایم کیوایم برطانیہ کے ذمہ داران کی شرکت
لندن … 27 اپریل 2024ئ
فلسطین اوراسرائیل کے تنازعہ کے بارے میں ایم کیوایم کے بانی وقائدجناب الطاف حسین کے تحقیقی اورعلمی مقالے پرمبنی کتاب ''اسرائیل فلسطین تنازعہ … تاریخی حقائق کی روشنی میں '' کااجرا کردیا گیا۔ جناب الطاف حسین نے ایک سادہ سی تقریب میں کتاب کی رونمائی کی ۔ جس میں اراکین رابطہ کمیٹی اورایم کیوایم برطانیہ کے ذمہ داران نے شرکت کی ۔ رابطہ کمیٹی کے کنوینر مصطفےٰ عزیزآبادی اور اراکین رابطہ کمیٹی نے جناب الطاف حسین کوکتاب پیش کی اورکتاب کے اجراپر انہیں مبارکباد پیش کی اورانہیں گلدستہ پیش کیا۔ جناب الطاف حسین نے کتاب کی رونمائی کے موقع پرجناب الطاف حسین نے اپنے ہاتھ سے لکھا ہوامسوّدہ بھی دکھایا اوربتایا کہ کس طرح نے کئی روز تک تحقیق کے بعد اس مقالے کواپنے ہاتھ سے لکھا اورکس طرح کمپوزنگ اورکئی مرتبہ پروف ریڈنگ کے مرحلے سے گزرکراس کا اجرا کیا گیا۔ جناب الطاف حسین نے اپنے تحقیقی مقالے کے سلسلے میں تحقیق میں معاونت کرنے ،مقالے کی کمپوزنگ،پروف ریڈنگ اوراس کوترتیب دینے کے سلسلے میں ان کے ساتھ دن رات محنت کرنے پر رابطہ کمیٹی کے کنوینرمصطفےٰ عزیزآبادی، سیکریٹری انفارمیشن قاسم علی رضا کوخصوصی شاباش اورخراج تحسین پیش کیا۔ انہوں نے اس سلسلے میں معاونت کرنے والے ارکان رابطہ کمیٹی سفیان یوسف، افتخارحسین، رابطہ کمیٹی کے معاونین اطہر عزیز اورمحمدماجد خان کوبھی شاباش دی۔ واضح رہے کہ جناب الطاف حسین نے گزشتہ سال 7 اکتوبر2023ء کو اسرائیل پرراکٹ حملے کے بعد غزہ پر بڑے پیمانے پر شروع کی جانے والی بمباری اوراس کے نتیجے میں ہزاروں فلسطینیوں کے جاںبحق ہونے اور تباہی سے متاثرہوکراس تنازعے پر اپنا تحقیقی اور علمی مقالہ تحریر کیا تھاجس میں خطہ فلسطین کے قدیم ادوار اورفلسطین اسرائیل تنازعے کے تاریخی پس منظر کوحوالوں، اعدادوشمار اور نقشوں کی مدد سے بیان کیا گیا ہے اورتازہ ترین صورتحال بیان کرنے کے ساتھ ساتھ اس تنازعے کے پرامن حل کے سلسلے میں مختلف تجاویز بھی پیش کی گئی ہیں۔ جناب الطاف حسین نے اپنا تحقیقی اورعلمی مقالہ اردوزبان میں تحریر کیاتھاجس کا انگریزی اورعربی زبانوں میںبھی ترجمہ کیاگیاجسے کتابی شکل میں مرتب کردیا گیا ہے ۔