سانحہ سہراب گوٹھ 31اکتوبر 86کے شہداء کی 27برسی ایم کیوایم کے زیر اہتمام جمعرات کو ملک بھر میں منائی جائے گی

کراچی ۔۔۔30، اکتوبر2013ء 

متحدہ قومی موومنٹ کے زیر اہتمام سانحہ سہراب گوٹھ 31، اکتوبر 1986ء کے شہداء کی 27ویں برسی 31، اکتوبر 2013ء بروز جمعرات کو ملک بھر میں عقیدت و احترام کے ساتھ منائی جائے گی اور شہداء کو زبردست خراج عقیدت پیش کیا جائے گا ۔ شہداء کی برسی کے سلسلے میں صوبہ سندھ ، پنجاب ، بلوچستان ، خیبر پختونخوا ، گلگت بلتستان ، آزاد کشمیر میں ایم کیوایم کے دفاترپر قرآن خوانی و فاتحہ خوانی کے اجتماعات منعقد ہوں گے جبکہ اس سلسلے کا مرکزی اجتماع ایم کیوایم کے مرکز نائن زیرو سے متصل لال قلعہ گراؤنڈ عزیز آباد میں بعد نماز ظہر تا عصر ہوگا ۔