Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پہلے روزے کی افطاری سے قبل انیس میمن اور اعجاز قریشی کے گھروں پر چھاپے مارے گئے ، رابطہ کمیٹی


پہلے روزے کی افطاری سے قبل انیس میمن اور اعجاز قریشی کے گھروں پر چھاپے مارے گئے ، رابطہ کمیٹی
 Posted on: 5/28/2017
حیدرآباد میں ایم کیوایم کے ذمہ داروں اورکارکنوں کے گھروں پر چھاپوں کا سلسلہ جاری ہے 
قائد تحریک الطاف حسین کے حق میں نعرے لگانے کی پاداش میں معید گدی اورمحسن قریشی کوگرفتارکیاگیا، رابطہ کمیٹی
پہلے روزے کی افطاری سے قبل انیس میمن اور اعجاز قریشی کے گھروں پر چھاپے مارے گئے ، رابطہ کمیٹی
خواتین سے بدتمیزی ،کارکنان کے بھائیوں اوربوڑھے والدین کوسنگین نتائج کی دھمکیاں دی گئیں ، رابطہ کمیٹی
ضمیرفروش پی آئی بی ٹولہ کو مسترد کرنا حیدرآبادکے عوام کاجرم بنادیاگیاہے ، رابطہ کمیٹی
کراچی کی طرح حیدرآبادکے کارکنان کی مخبریاں کرنے والے مہاجردشمن ہیں ، رابطہ کمیٹی

متحدہ قومی موومنٹ(پاکستان) کی رابطہ کمیٹی نے حیدرآبادمیں افطارسے قبل ایم کیوایم کے عہدیداروں اورکارکنوں کے گھروں پر پولیس اور قانون نافذ کرنے والے اداروں کے غیرقانونی چھاپوں اوراہل خانہ سے بدتمیزی کی سخت ترین الفاظ میں مذمت کی ہے ۔ ایک بیان میں رابطہ کمیٹی نے کہاکہ جمعہ کے روز سے آج کے دن تک حیدرآباد میں قانون نافذ کرنے والے اداروں کی جانب سے ایم کیوایم کے کارکنوں کے گھروں پرغیرقانونی چھاپے مارے جارہے ہیں ۔ سرکاری اہلکاروں نے جمعہ کے روز قائد تحریک جناب الطاف حسین کے حق میں نعرے لگانے کی پاداش میں ایم کیوایم کے کارکنان معید گدی اورمحسن قریشی کوگرفتارکرلیا جبکہ گزشتہ روز جوائنٹ سیکٹرانچارج خالدقریشی، سیکٹر کمیٹی کے رکن انیس میمن ، حق پرست کونسلر اعجاز قریشی ، یونٹ کمیٹی کے رکن محمد نعمان اورکارکن یوسف ملک سمیت متعددکارکنان کے گھروں پرغیرقانونی چھاپے مارے گئے تھے اورآج رمضان المبارک کے پہلے روزے کی افطاری سے قبل سیکٹرممبر انیس میمن اور حق پرست کونسلر اعجاز قریشی کی گرفتاری کیلئے ان کے گھروں پر دوبارہ چھاپے مارے گئے ،چھاپوں کے دوران گھروں میں خواتین سے بدتمیزی کی گئی اورکارکنان کے نہ ملنے پر ان کے بھائیوں اوربوڑھے والدین کوسنگین نتائج کی دھمکیاں دی گئیں ۔
رابطہ کمیٹی نے کہاکہ حیدرآبادکے عوام نے اپناجمہوری حق استعمال کرتے ہوئے ضمیرفروش پی آئی بی ٹولہ کو مسترد کردیا ہے اوریہ عمل حیدرآبادکے وفاپرست عوام کا جرم بنادیا گیا ہے ،مہاجرقوم کے میرجعفر اورمیرصادق کراچی کی طرح حیدرآبادکے کارکنان کی مخبریاں کرکے نہ صرف مہاجردشمنی کاثبوت دے رہے ہیں بلکہ رمضان المبارک کا تقدس بھی پامال کررہے ہیں ۔ رابطہ کمیٹی نے کہاکہ چھاپوں اورگرفتاریوں سے نہ تو ایم کیوایم کے بہادراوروفاپرست کارکنان کوخوف زدہ کیاجاسکتا ہے اورنہ ہی انکے حوصلے پست کیے جاسکتے ہیں ۔ میرجعفرومیرصادق کی مخبریوں اور تمام ریاستی مظالم کے باوجود قائد تحریک جناب الطاف حسین کی قیاد ت میں حق پرستی کی جدوجہد جاری رہے گی ۔ 

*****
2/21/2025 9:20:04 PM