ایم کیوایم کے قائد الطاف حسین کی 60 ویں سالگرہ کے سلسلے میں انٹرنیشنل سیکریٹریٹ میں تقریب کا انعقاد

لندن ۔۔۔18ستمبر2013ء

ایم کیوایم کے قائد جناب الطا ف حسین کی 60 ویں سالگرہ کے سلسلے میں گزشتہ روزایم کیوایم انٹرنیشنل سیکریٹریٹ لندن میں تقریب منعقد کی گئی جس میں اراکین رابطہ کمیٹی، پاکستان سے آئے ہوئے ارکان اسمبلی ،ایم کیوایم یوکے کے ذمہ داروں، کارکنوں اورانکے اہل خانہ نے شرکت کی ۔ تقریب میں ایم کیوایم کے شہید کنوینر ڈاکٹرعمران فاروق شہید کی بیوہ شمائلہ عمران اوران کے بچوں نے بھی شرکت کی ۔ اس موقع پرسالگرہ کا کیک کاٹا گیا اور تمام ذمہ داروں، کارکنوں،خواتین اوربچوں نے ملکر سالگرہ کاگیت گایا۔ اس موقع پر جناب الطاف حسین کی صاحبزادی افضاء الطاف نے میوزیکل کی بورڈپر ہیپی برتھ ڈے کامیوزک بجایا۔ تمام حاظرین نے جناب الطاف حسین کوفرداًفرداً انکی 60ویں سالگرہ کی مبارکبادپیش کی اوران کیلئے نیک جذبات کااظہارکیا۔جناب الطاف حسین نے بھی تمام کارکنوں، خواتین اوربچوں کودعائیں دیں۔ اس موقع پر کارکنوں نے جناب الطاف حسین سے محبت کے اظہارکیلئے نظمیں بھی پڑھیں۔