انسانیت کے لئے عبدالستار ایدھی کی سماجی خدمات اور فن قوالی کے لئے امجد فرید صابری کی فنی خدمات کو رہتی دنیا تک یاد رکھا جائے گا

کراچی:۔۔۔18جولائی 2016

متحدہ قومی موومنٹ کی رابطہ کمیٹی کے رکن اسلم آفریدی نے کہاہے کہ انسانیت کے لئے عبدالستارایدھی اورفن قوالی کے لئے امجد فرید صابری کی خدمات کورہتی دنیاتک یاد رکھاجائے گا، تمامترنامناسب حالات باوجودایم کیوایم کے ان کے مشن کوآگے لیکرجائیگی۔ان خیالات اظہارانہوں نے ایم کیوایم کے تحت اورنگی ٹاؤن نمبر5میں عبدالستارایدھی اورشہید امجدفریدصابری کی یاد میں منعقدہ تقریب’’شمع فروزاں‘‘ میں میڈیا کے نمائندوں سے گفتگو کرتے ہوئے کیا۔اس موقع پرایم کیوایم کی رابطہ کمیٹی کے رکن اظہاراحمدخان ،حق پرست اراکین اسمبلی محبوب عالم،اقبال قادری ایڈووکیٹ ،سیف الدین خالد اورحق پرست بلدیاتی نمائندوں کے علاوہ حق پرست عوام وکارکنان کی بڑی تعداد موجود تھی۔ اسلم آفریدی نے کہاکہ عبدالستارایدھی بلاشبہ بہت بڑی سماجی شخصیت کے مالک تھے جنہوں نے انسانیت کی خدمت کے لئے اپنی پوری زندگی وقف کردی تھی۔انہوں نے کہاکہ ایم کیو ایم ان کے کام خدمت خلق فاؤنڈیشن تحت جاری رکھے گی ۔انہوں نے عبدالستارایدھی اور امجد فرید صابری کوسماجی وفنی خدمات پرقائدتحریک الطاف حسین کی جانب سے خراج عقیدت وخراج تحسین پیش کرتے ہوئے کہا کہ ایدھی صاحب اور امجد فریدصابری کی کمی توہم پوری نہیں کرسکتے لیکن اان کے مشن کوجاری ضروررکھ سکتے ہیں جوہرحال میں جاری رہیگا۔ انہوں نے مرحوم عبدالستارایدھی اورامجدفریدصابری شہیدکے درجات کی بلندی اورسوگواران کے صبرجمیل کے لئے فاتحہ خوانی کی اوران کے حق میں دعائیں کیں۔





تصاویر