ایم کیوایم بیلجئم یونٹ کے زیراہتمام مشہو ر و معروف قوال امجد صابری شہید کیلئے دعائیہ اجتماع کا انعقاد

بیلجئم۔۔۔27، جون 2016ء 

ایم کیوایم بیلجئم یونٹ کے زیراہتمام مشہو ر و معروف قوال امجد صابری شہید کیلئے دعائیہ اجتماع منعقد ہوا جس میں امجد صابری شہید کو زبردست خراج عقیدت پیش کیا گیا ۔ دعائیہ اجتماع میں ایم کیوایم بیلجیم یونٹ کے انچارج و اراکین اور بیلجئم میں مقیم پاکستانیوں نے شرکت کی ۔ اجتماع میں امجد صابری کی یاد میں شمعیں روشن کی گئیں اور شہید کے ایصال ثواب کیلئے قرآن خوانی و فاتحہ خوانی کی گئی ۔ اس موقع پر شرکاء نے امجد صابری کی تصاویر اپنے ہاتھوں میں اٹھا رکھی تھیں جن پر شہید کے قاتلون کی گرفتاری اور شہید کو خراج عقیدت پیش کرنے کیلئے کلمات جلی حروف میں تحریر تھے ۔ دعائیہ اجتماع کے شرکاء سے خطاب کرتے ہوئے ایم کیوایم بیلجئم یونٹ کے زمہ داران نے کہا کہ امجد صابری شہید کا قتل کھلی دہشت گردی ہے اور اس قتل میں محض شک و شبے اور بغیر تحقیقات کے اردو بولنے والے کو ملوث کرنا نہ صرف ناقابل مذمت ہے بلکہ اردو بولنے والوں کی امجد صابری شہید سے عقیدت و محبت کا مذاق اڑانے کے مترادف ہے ۔ انہوں نے مطالبہ کیا کہ امجد صابری شہید کے قاتلوں کو فی الفور گرفتار کیاجائے اور شہید کے قتل کی تحقیقات میں انصاف کے تمام تقاضے پورے کئے جائیں ۔