جناب الطاف حسین کی ہدایت پر ایم کیوایم کے وفد کی عبد الستار ایدھی کی عیادت

کراچی ۔۔۔12، جون 2016ء 

متحدہ قومی موومنٹ کے قائد جناب الطا ف حسین کی خصوصی ہدایت پر ایم کیوایم سپریم کونسل کے رکن رؤف صدیقی اور رابطہ کمیٹی کے رکن محفوظ یار خان نے ایدھی سینٹر کھارادر جاکر ملکی و بین الاقوامی شہرت یافتہ سماجی شخصیت عبد الستار ایدھی کی عیادت کی اور قائد تحریک جناب الطاف حسین کی جانب سے ان کیلئے نیک خواہشات کا پیغام دیا اور خیریت دریافت کی ۔ اس موقع پر محترمہ بلقیس ایدھی اور فیصل ایدھی بھی موجود تھے ۔ ایم کیوایم سپریم کونسل کے رکن رؤف صدیقی نے عبد الستار ایدھی کیلئے جناب الطاف حسین کی جانب سے خصوصی طور پر دیا گیا غسل کعبہ کا پانی پیش کیا اورعبد الستار ایدھی کی جلدو مکمل صحت یابی کیلئے اللہ تعالیٰ کے حضور خصوصی دعا کی ۔ ایم کیوایم کے وفد نے بلقیس ایدھی اور فیصل ایدھی کو بتایا کہ اوررسیز پاکستانیوں کی تنظیم محبان پاکستان کی جانب سے مکہ و مدینہ میں عبد الستار ایدھی کی جلد و مکمل صحت یابی کیلئے خصوصی دعائیں بھی کی جائیں گی ۔