ناراض بلوچیوں سے فی الفور مذکرات کرکے انکے جائز مطالبات کوتسلیم کیا جائے ۔شبیر احمدقائم خانی رکن رابطہ کمیٹی

کوئٹہ ۔۔4جون2016ء

ایم کیوایم کی رابطہ کمیٹی کے ارکان شبیر قائم خانی اور اسلم آفریدی نے کہاکہ بلوچستان وسائل سے مالا مال صوبہ ہے اس کے باوجود یہاں کے عوام کا کسمپری و مایوسی کا شکار ہونا لمحہ فکریہ ہے ۔ ان خیالات اظہار انہوں نے متحدہ قومی موومنٹ پاکستان کوئٹہ زون کے زیراہتمام جنرل ورکرز اجلاس سے خطاب کرتے ہوئے کیا۔ اس مو قع پر صوبائی تنظیمی کمیٹی بلوچستان کے انچارج الطاف مینگل،رکن صوبائی تنظیمی کمیٹی بلوچستان ندیم شیخ، انچارج کوئٹہ زون ملک گل کاکڑ، انچارج کوئٹہ ڈسٹرکٹ سلیم اختر ایڈوکیٹ سمیت ایم کیوایم کے ذمہ داران و کارکنان ، تمام اقوام و اقلیتی برداری لوگوں نے بڑی تعداد میں شرکت کی۔ جنرل ورکرز کے اجلاس سے خطاب کر تے ہو ئے رابطہ کمیٹی کے ارکان شبیر احمد قا ئم خانی اور محمد اسلم آفریدی نے کہاکہ جاگیر داروں ، موروثی سیاستدانوں نے ملک کا بیڑہ غرق کر دیا ہے۔ یہی عناصر قائد تحریک کے خلاف یکجا ہو کر سازش کررہے ہیں۔ ، انہوں نے کہاکہ قائد تحریک پر میڈیا کوریج کی پابندی ظلم کی انتہا ہے جو قابل مذمت ہے۔ انہوں نے کہاکہ اپنوں پر طاقت کے استعمال سے ملک پر اثر پڑتا ہے ناراض بلوچ ہمارے بھائی ہے ، پہاڑوں پر جا نے والوں کے ساتھ مذاکرات اوران کے جائز مطالبات تسلیم کئے جائیں۔یہاں پرآباد اقوام کے نوجوانواں بلوچ ،پشتون ، ہزارہ اوردیگر پڑھے لکھے نواجونوں کے لئے روزگار کے فی الفور مواقع فراہم کیاجائیں۔ انہوں نے کہاکہ ایم کیوایم کو چھوڑ کر جانے والے ماسوائے پچھتاوئے کے اور کچھ حاصل نہیں کرسکیں گے۔ ہم بانیاں پاکستان کی اولاد ہے اور پاکستان و پاک فوج لازم وملزوم پاکستان کی حفاظت کے لئے ہم ہر سطح پر جان ومال کی قربانی دینگے۔ انہوں نے کہاکہ ایم کیوایم پاکستان کے غریب ومتوسط طبقہ کی واحد نمایندہ جماعت ہے اور ملک کی چوتھی بڑی پارلیمانی جماعت ہے، انہوں نے کہا کہ قائد تحریک جناب الطاف حسین کے نظرئے کو مٹانے والے خود صفحہ ہستی سے مٹ گئے۔ اس موقع پر انہوں نے سردار مصطفی ترین کے بیٹے اسد خان ترین کے اغواء کی پر زورمذمت کر تے ہوئے اس کی فی الفور بازیابی کیلئے مطالبہ کیا۔ اس موقع پر حق پرست ایم پی اے یوسف شاہوانی ،و یگر نے خطاب کیا۔