پاکستان کی تاریخ میں پہلی بار ایک طلبہ تنظیم نے ملک کی چوتھی بڑی سیاسی جماعت کو جنم دیا۔ خواجہ اظہار الحسن

کراچی ۔۔۔ 01؍ جون 2016ء

آل پاکستان متحدہ اسٹوڈنٹس آرگنائزیشن کے زیر اہتمام تنظیم کے 38 ویں یوم تاسیس کے موقع پر جامعہ کراچی کی آرٹس لابی پر کیک کاٹنے کی تقریب منعقد کی گئی۔ تقریب میں اے پی ایم ایس او کی مرکزی کابینہ کے اراکین، حق پرست اراکین سندھ اسمبلی خواجہ اظہار الحسن، نائلہ لطیف، خالد افتخار، انور رضا نقوی، جامعہ کراچی کے مختلف شعبہ جات سے تعلق رکھنے والے اساتذہ کرام، طلباء و طالبات سمیت اے پی ایم ایس او جامعہ کراچی کے ذمہ داران و کارکنان نے بڑی تعداد موجود تھی۔ تقریب کے شرکاء سے گفتگو کرتے ہوئے حق پرست رکن سندھ اسمبلی خواجہ اظہار الحسن نے کہا کہ پاکستان کی تاریخ میں پہلی بار ایک طلبہ تنظیم نے ملک کی کی چوتھی بڑی سیاسی جماعت کو جنم دیا۔ انہوں نے کہا کہ اے پی ایم ایس او کے قیام کے بعد ہی سے باطل قوتوں کی جانب سے مہاجروں کی آواز کو دبانے کیلئے اے پی ایم ایس او اور قائد تحریک جناب الطاف حسین کے خلاف طرح طرح کے منفی پروپیگنڈوں کا آغاز کردیا گیا تھا لیکن حق پرست عوام ہمیشہ سے ان منفی پروپیگنڈوں کو سختی سے مسترد کرتی رہی ہے۔ اس موقع پر شرکاء سے گفتگو کرتے ہوئے اے پی ایم ایس او کی مرکزی وائس چیئرپرسن وجیہہ رؤف نے کہا کہ قائد تحریک جناب الطاف حسین نے جامعہ کراچی کی اسی آرٹس لابی سے مہاجروں کے حقوق کی جدوجہد کا آغاز کرتے ہوئے اے پی ایم ایس او کی بنیاد ڈالی تھی۔ انہوں نے کہا کہ آج کے دن ہم سب عہد کرتے ہیں کہ قائد تحریک کی تعلیمات کے مطابق پورے پاکستان کے طلبہ و طالبات کے حقوق کیلئے جدوجہد جاری رکھیں گے۔
 
 
 
 
 

تصاویر