عائشہ منزل چورنگی پر موٹر سائیکل سواروں کی جانب سے ٹریفک پولیس اہلکاروں پر فائرنگ کے واقعہ پر جناب الطاف حسین کا اظہار مذمت

َؒ لندن :۔۔21؍ مئی 2016

متحدہ قومی موومنٹ کے قائد جناب الطاف حسین نے عائشہ منزل چورنگی پرموٹر سائیکل سواروں کی جانب سے پولیس اہلکاروں پر فائرنگ کی سخت ترین الفاظ میں مذمت کی ہے اور فائرنگ کے نتیجے میں دو ٹریفک پولیس اہلکاروں کے جاں بحق ہونے پر افسوس کا اظہار کیا اور مرحومین کی مغفرت کیلئے دعا کی۔ اپنے ایک بیان میں کہاکہ شہر میں جرائم پیشہ عناصر دندناتے پھر رہے ہیں جن کے ہاتھوں قانون نافذ کرنے والے اہلکاروں کے ساتھ ساتھ معصوم شہری نشانہ بن رہے ہیں۔ جناب الطاف حسین نے وزیراعظم نوازشریف ، وفاقی وزیر داخلہ چوہدری نثار ، وزیراعلیٰ سندھ اور صوبائی وزیر داخلہ انور سیال سے مطالبہ کیا کہ عائشہ منزل چورنگی پرٹریفک پولیس اہلکارو ں کے حملے میں ملوث دہشت گردوں کو فوری گرفتار کیا جائے اور قانون کے مطابق سزا دی جائے ۔