ایم کیوایم کے سابق رکن سندھ اسمبلی ندیم ہاشمی سمیت ایم کیوایم کے دیگر ذمہ داروں کی بلا جواز گرفتاریوں پر ایم کیوایم کے قائد الطاف حسین کا شدید اظہار مذمت
پولیس حکام نے رابطہ کرنے پر بتایا کہ ’’اوپر‘‘ سے حکم آیا ہے کہ جس علاقے میں بھی قانون کی کوئی معمولی سی بھی خلاف ورزی ہوگی تو اس علاقے سے ایم کیوایم کے یونٹ انچارج کو گرفتار کرلیا جائے گا
حکومت سندھ قوم کو جواب دے کہ اس نے یہ فیصلہ آئین و قانون کی کس شق کے تحت کیا ہے؟
میں نے ہمیشہ صبر و تحمل کا درس دیا ہے اور میں آج بھی صبر و تحمل کا ہی درس دے رہا ہوں
میں آج سے عوام، کارکنان اور پارٹی کو درپیش مسائل کے حل کی تدبیر کرنے کا اختیار رابطہ کمیٹی کے اراکین اور تنظیمی شعبہ جات کے ذمہ داران کے ہاتھ میں دیتا ہوں
لندن ۔۔۔ 11 ستمبر2013ء
متحدہ قومی موومنٹ کے قائدجناب الطا ف حسین نے پولیس کے ہاتھوں کراچی کے علاقے نارتھ ناظم آبادمیں ایم کیوایم کے سابق رکن سندھ اسمبلی ندیم ہاشمی سمیت ایم کیوایم کے دیگرذمہ داروں کی بلاجواز گرفتاریوں اورایم کیوایم نارتھ ناظم آبادسیکٹرآفس پر چھاپے کی شدید الفاظ میں مذمت کی ہے۔جناب الطا ف حسین نے کہاکہ جب ایم کیوایم کے منتخب نمائندوں نے اس غیرقانونی عمل اور بلاجواز گرفتاریوں پر پولیس حکام سے رابطہ کیاتوانہوں نے بتایاکہ ’’اوپر‘‘ سے حکم آیاہے کہ جس علاقے میں بھی قانون کی کوئی معمولی سی بھی خلاف ورزی ہوگی تواس علاقے سے کاایم کیوایم کے یونٹ انچارج کو گرفتارکرلیاجائے گا۔جناب الطا ف حسین نے اس اقدام کی شدید الفاظ میں مذمت کرتے ہوئے کہاکہ حکومت سندھ سے قوم کوجواب دے کہ اس نے یہ فیصلہ آئین وقانون کی کس شق کے تحت کیا ہے؟انہوں نے کہاکہ میں نے ہمیشہ صبروتحمل کادرس دیاہے اورمیں آج بھی صبروتحمل کاہی درس دے رہاہوں تاہم میں آج سے عوام ، کارکنان اورپارٹی کودرپیش مسائل کے حل کی تدبیر کرنے کااختیاررابطہ کمیٹی کے اراکین اورتنظیمی شعبہ جات کے ذمہ داران کے ہاتھ میں دیتاہوں۔ آج سے یہ لوگ تمام ترتنظیمی فیصلے کرنے میں مکمل طورپرآزادہیں اورمجھے امید ہے کہ یہ اپنے تمام ترفیصلے مکمل ایمانداری کے ساتھ تنظیمی نظم وضبط کے دائرے میں رہتے ہوئے کریں گے۔