وفادار اور ثابت قدم لوگ ہی منزل حاصل کرتے ہیں،اقبال مقدم رکن رابطہ کمیٹی

حیدرآباد ۔۔۔ 28؍ مارچ 2016ء

وفادار اور ثابت قدم لوگ ہی منزل حاصل کرتے ہیں۔ ان خیالات کا اظہار ایم کیو ایم رابطہ کمیٹی کے رکن اقبال مقدم نے ایم کیو ایم حیدرآباد زونل آفس شعبہ جات کے ذمہ داران کے اجلاس سے خطاب کرتے ہوئے کیا۔ اجلاس میں سندھ تنظیمی کمیٹی کے رکن ظفر راجپوت ،ایم کیو ایم حیدرآباد کے نگراں زونل انچارج ظفر خان و اراکین زونل کمیٹی ،حق پرست رکن صوبائی اسمبلی دلاور قریشی ایڈوکیٹ ،شعبہ جات کے ذمہ داران و کارکنان کی کثیر تعداد میں شرکت کی۔ انہوں نے مزید کہا کہ وفاداری اپنی قیادت کے ساتھ انقلابی تحریکوں میں ایسا جز ہے جو کامیابی کیلئے بہت ضروری ہے۔ انہوں نے کہا کہ رات کے اندھیروں میں بھاگنے والے قوم کے خیر خواہ نہیں ہے ۔ انہوں نے کہا کہ تحریک کے شہداء اور لاپتہ ساتھی ہمارا اثاثہ ہیں شہداء کے لہو کا سودا کرنے والے بے ضمیر لوگ ہیں۔انہوں نے کہا کہ خوف و ڈر ہمارے ذہنوں مفلوج نہیں کرسکتا کیونکہ انقلابی تحریک سے وابستہ لوگ قربانیوں کے جذبے سے سرشار ہوتے ہیں ۔اجلاس سے رکن سندھ تنظیمی کمٹی ظفر راجپوت نے خطاب کرتے ہوئے کہا کہ وفاداری کا ثبوت صرف عمل وکردار سے ثابت ہوتا ہے اور ایک دوسرے کا خیال رکھنے کا عمل ہمیں مضبوط تر بناتا ہے۔ انہوں نے کہا کہ انقلابی تحریک کی جدوجہد میں قائد تحریک جناب الطاف حسین کے بھائی و بھتیجے کی قربانی بھی شامل ہے اور قائد تحریک جناب الطاف حسین اور عوا م کو جدا کرنے والے پہلے جذبہ قربانی لائیں۔اجلاس سے ایم کیو ایم حیدرآباد کے نگراں زونل انچارج ظفر خان نے خطاب کرتے ہوئے کہا کہ مائنس الطاف حسین فارمولا پرعمل پیرا لوگ قائد تحریک جناب الطاف حسین سے اظہار یکجہتی ریلی سے سبق حا صل کریں۔ انہوں نے کہا کہ سانحہ سہراب گوٹھ ، سانحہ قصبہ علی گڑھ ، سانحہ 30 ستمبر،سانحہ پکا قلعہ سب ہمارے سامنے ہیں اور ارباب اختیار کا طرزعمل بھی ۔انہوں نے کہاکہ ہمارے خلاف ہونے والی زیادتیوں پرآج تک کسی نے نہ کوئی ایکشن لیا اور نہ ہی آواز تک بلند کی۔اجلاس سے ایم کیو ایم حیدرآباد کے رکن زونل کمیٹی سعید عزیز نے خطاب کرتے ہوئے کہاکہ حیدرآباد قائد تحریک جناب الطاف حسین کے چاہنے والوں کا شہر ہے اور اس شہر کونفرتوں اور تعصب کی بھیٹ چڑھانے والے بہت جلد اپنے منطقی انجام پہنچے گے ۔انہوں نے کہا کہ ایم کیو ایم کے وفادار ساتھیوں نے ہمیشہ عمل و کردار سے تحریک کو دوام بخشا ۔ اجلاس سے حق پرست رکن صوبائی اسمبلی دلاورقریشی ایڈوکیٹ نے خطاب کرتے ہوئے کہاکہ ایم کیو ایم کی کامیابی سے خائف قوتیں ہمیں تقسیم کرنے کی سازشیں کررہی ہیں ۔انہوں نے کہا کہ تمام تر سازشوں اور ریاستی جبر وتشددکے باوجود باطل قوتیں ہمیں تقسیم کرنے میں ناکام رہی ۔انہوں نے کہا کہ چند مفاد پرستوں کو خرید کر ہمارا اتحاد کو منتشر کرنے کی سازش کی جارہی ہے لیکن ماضی کی طرح وہ اس بار ناکام اور رسوا ہونگے۔