’’شاعرانقلاب‘‘ جوش ملیح آبادی پاکستان ہی نہیں بلکہ برصغیرکے محروم ومظلوم عوام کی آوازتھے۔ الطاف حسین

لندن ۔۔۔ 21 فروری 2016ء

متحدہ قومی موومنٹ کے قائدجناب الطاف حسین نے برصغیرپاک وہند کے ممتازشاعر،دانشور،فلسفی اور’’ شاعرانقلاب‘‘ حضرت جوش ملیح آبادی پاکستان ہی نہیں بلکہ پورے برصغیرکے محروم ومظلوم عوام کی آوازتھے۔ جوش ملیح آبادی کی 34ویں برسی کے موقع پراپنے ایک بیان میں انہوں نے کہا کہ جوش ملیح آبادی نے اپنی شاعری کے ذریعے معاشرے میں پھیلی ہوئی معاشی ناہمواریوں،طبقاتی کشمکش کے خاتمے ملک میں منصفانہ نظام کے قیام اورمحروم عوام کے حقوق کیلئے آواز بلندکی۔ ان کی اسی جدوجہداورعوامی شاعری کے لئے انہیں ’’ شاعرانقلاب ‘‘ کالقب دیاگیا۔ جوش ملیح آبادی کی شاعری آج بھی محروم ومظلوم عوام کے لئے رہنمائی کاباعث ہے ۔ جناب الطاف حسین نے اس امرپرافسوس کااظہارکیاکہ جوش ملیح آبادی جس بلند پایے کے شاعرتھے اس کے حساب سے انہیں پاکستان میں سرکاری سطح پر وہ مقام نہیں دیاگیاجس کے وہ مستحق تھے، انہیں بھی دیگرمہاجراکابرین کی طرح نفرت اورتعصب کانشانہ بنایاگیاجوانتہائی افسوسناک ہے لیکن حکمراں طبقہ جتناہی نفرت وبغض کاطرزعمل اختیاررکھے لیکن عوام کے دلوں میں حضرت جوش ملیح آبادی کی عزت واحترام کم نہیں کیا جاسکتا