ایم کیوایم کا قائد تحریک الطاف حسین کی تقاریر، تصاویر اور بیانات کو میڈیا پر نشر اور شائع کرنے پر عائد پابندی کے خلاف برطانیہ کے وزیراعظم کی سرکاری رہائش گاہ کے سامنے بھوک ہڑتال کرنے کا فیصلہ

لندن ۔۔۔ 13 فروری 2016ء

ایم کیوایم کی رابطہ کمیٹی نے قائدتحریک جناب الطاف حسین کی تقاریر،تصاویراوربیانات کوالیکٹرانک اورپرنٹ میڈیاپرنشراورشائع کرنے پرعائد پابندی کے خلاف برطانیہ کے وزیراعظم کی سرکاری رہائش گاہ کے سامنے دوروزہ بھوک ہڑتال کرنے کافیصلہ کیاہے۔ یہ فیصلہ گزشتہ روزرابطہ کمیٹی کے ایک اجلاس میں کیا گیا جس کی صدارت کنوینرندیم نصرت نے کی ۔ رابطہ کمیٹی کے فیصلے کے مطابق پیر 15فروری اورمنگل 16فروری کو دارالحکومت لندن میں برطانوی وزیراعظم کی سرکاری ر ہائش گاہ 10 ڈاؤننگ اسٹریٹ کے سامنے بھوک ہڑتال کی جائے گی۔ یہ دوروزہ بھوک ہڑتال برطانیہ کے مقامی وقت کے مطابق صبح 10بجے شروع ہوگی جو شام 6بجے تک جاری رہے گی ۔ بھوک ہڑتال میں رابطہ کمیٹی کے ار کان اور یوکے یونٹ کے ذمہ داران وکارکنان شریک ہوں گے۔ اس سلسلے میں متعلقہ حکام سے باقاعدہ اجازت حاصل کرلی گئی ہے اورایم کیوایم یوکے نے بھوک ہڑتال کی تیاریاں شروع کردی ہیں۔ واضح رہے کہ حکومت پاکستان نے گزشتہ کئی ماہ سے ایم کیوایم کے قائدجناب الطاف حسین کی تقاریراوربیانات الیکٹرانک اورپرنٹ میڈیاپرنشراورشائع کرنے حتیٰ کہ تصویرتک دکھانے پر پابندی عائدکررکھی ہے جس کے خلاف ایم کیوایم کی جانب سے پاکستان بھرکے شہروں میں اس سے قبل کئی احتجاجی مظاہرے کئے جاچکے ہیں اس کے علاوہ برطانیہ، امریکہ، کینیڈا، آسٹریلیا اوردیگرممالک میں بھی مظاہرے کئے گئے ہیں جس کے بعداب اس معاملہ پر بھوک ہڑتال کرنے کافیصلہ کیاگیا۔ 
English Viewers