نامزدحق پرست میئرکراچی وسیم اخترکی ضلع شرقی یوسی13کے مختلف علاقوں جمشیدروڈنمبر3،عثمانیہ مہاجرکالونی،بغدادی محلہ اورمارٹن کواٹرزمیں رونتا،راؤاورصدیقی برادری اورعلاقہ معززین سے ملاقات

کراچی:۔۔۔28دسمبر2015ء

30دسمبرکوضلع شرقی یوسی13میں ہونے والے بلدیاتی انتخابات کے سلسلے میں ایم کیوایم کی انتخابی مہم کے لئے نامزد میئرکراچی کے لئے نامزدوسیم اخترنے ضلع شرقی یوسی 13کے مختلف علاقوں کادورہ کیااورمختلف برادریوں کے معززین اورعوام سے ملاقات کرکے ان کے مسائل معلوم کیے اورانہیں قائدتحریک الطاف حسین کاپیغام پہنچایا۔ اس موقع پرسی ای سی کے ارکان،حق پرست اراکین اسمبلی اور ایم کیو ایم کے علاقائی سیکٹرو یونٹ کمیٹیوں کے ذمہ داران و کارکنان بھی ان ہمراہ موجودتھے۔نامزدحق پرست میئرکراچی وسیم اخترنے پیرکی شام جمشیدروڈنمبر3،عثمانیہ مہاجرکالونی،بغدادی محلہ اورمارٹن کواٹرز سمیت دیگرملحقہ علاقوں میں مقیم رونتا،راؤاورصدیقی برادر ی کے معززین سے ملاقات کی ۔اس موقع پرعوام کاجوش وخروش قابل دید تھا اس موقع پر موجوداہالیانِ علاقہ نے نامزدحق پرست میئر کراچی وسیم اخترکاپرتپاک استقبال کیااورانہیں اپنے مسائل ومشکلات سے آگاہ کیا۔معززین سے گفتگوکرتے ہوئے وسیم اخترنے کہاکہ حق پرستی کا قافلہ قائدتحریک الطاف حسین کی قیادت میں رواں دواں رہیگا اوراپنی منزل پرپہنچ کردم لے گا۔انہوں نے کہاکہ ایم کیوایم غریب ومتوسطہ طبقے کی نمائندہ جماعت ہے جوارباب اختیار واقتدارکے تمام تر ظلم وجبر، ناانصافیوں اورحق تلفیوں کے باوجودعوام کی خدمت کرتی رہے گی اوران کے مسائل کے حل کے لئے ہرممکن اقدام کرے گی۔وسیم اخترنے رونتا،راؤ اور صدیقی برادری کے عوام سے اپیل کی کہ وہ 30دسمبرکویوسی13کے بلدیاتی انتخاب میں پتنگ پرمہرلگاکرنامزدحق پرست چیئرمین ،نائب چیئرمین اورکونسلرزکومنتخب کریں اورقائدتحریک الطاف حسین سے اپنی والہانہ عقیدت و محبت کاثبوت دیں۔اس موقع پریوسی13کے عوام نے حق پرست چیئرمین ،نائب چیئرمین ورکونسلرکے لئے نامزدامیدواروں کی بھرپورحمایت کایقین دلایا۔










تصاویر