معروف ناول نگار اشتیاق احمد کے انتقال پرا لطاف حسین کااظہار افسوس

لندن۔۔۔17، نومبر2015ء 

متحدہ قومی موومنٹ کے قائد جناب الطاف حسین نے معروف ناول نگار اشتیاق احمد کے انتقال پر گہرے دکھ اور افسوس کااظہارکیا ہے ۔ ایک تعزیتی بیان میں انہوں نے کہاکہ اشتیاق احمد مرحوم ادب کی دنیا کا بڑا نام تھے اور مرحوم کے انتقال سے پیدا ہونے والا خلا پُر نہیں کیاجاسکتا ۔ انہوں نے مرحوم کے سوگوار لواحقین سے دلی تعزیت وہمدردی کااظہار کرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)