سندھ اسمبلی میں ایم کیوایم کے قائد حزب اختلاف خواجہ اظہار الحسن کا حق پرست رکن سندھ اسمبلی ریحان ظفر کے ہمراہ ناظم آباد نمبر 4میں واقع ڈرائیونگ لائسنس برانچ کا دورہ

کراچی ۔۔۔3، نومبر2015ء 

سندھ میں متحدہ قومی موومنٹ کے قائد حزب اختلاف خواجہ اظہار الحسن نے حق پرست رکن سندھ اسمبلی ریحان ظفر کے ہمراہ آج ناظم آباد نمبر 4میں واقع ڈرائیونگ لائسنس کی برانچ کا دورہ کیا اور وہاں موجود سینکڑوں پریشان حال لوگوں سے ڈرائیونگ لائسنس کے حصول کیلئے لاحق مسائل معلوم کئے ۔خواجہ اظہار الحسن نے ڈرائیونگ لائسنس برانچ کا اندر سے جائزہ لیا اور افسران کو ڈدرائیونگ لائسنس برانچ میں ٹوکن سستم متعارف کرانے کی تجویز دی ۔ اس موقع پر انہوں نے کہا کہ ڈرائیونگ لائسنس بنوانے کیلئے میرٹ کا خیال رکھاجائے اور سفارش اور پرچیوں کا سلسلہ ختم کیاجائے ۔ انہوں نے حکومت سے مطالبہ کیا کہ کراچی میں کم از کم مزید پانچ ڈرائیونگ لائسنس کی بر انچیں قائم کی جائیں اور ڈرائیونگ لائسنس بنوانے کا اطلاق صرف کراچی کے شہریوں پر ہی نہیں بلکہ پورے سندھ میں کیاجائے ۔ خواجہ اظہار الحسن نے کہاکہ غیر ضروری گرفتاریوں کے خوف سے لوگوں میں گہری تشویش پائی جارہی ہے جیسے دور کرنا وقت کی ضرورت اور قانون کا تقاضا بھی ہے ۔ انہوں نے کہا کہ ڈرائیونگ لائسنس بنوانے کیلئے جمع سینکڑوں شہریوں پر لاٹھی چارج کی مذمت کی اور کہا کہ لاٹھی چارج کا عمل غیر مناسب اور غیر اخلاقی ہے جس سے شہریوں کے حقوق متاثر ہورہے ہیں ۔