ایم کیو ایم رابطہ کمیٹی کے اراکین کا بلدیاتی انتخا بات کی تیاریوں کے سلسلے میں کراچی کے مختلف سیکٹرز اور مستعفی ارکان اسمبلی کے دفاتر کا دورہ

کراچی۔۔۔22ستمبر2015ء

متحدہ قومی موومنٹ کی رابطہ کمیٹی کے اراکین نے شہر میں جاری بلدیاتی انتخابات برائے سال 2015ء کے سلسلے میں شہر کے مختلف سیکٹرز کا دورہ کیا اور بلدیاتی انتخابات کی تیاری میں مصروف عمل کارکنان سے ملاقات کی اور قائد تحریک جناب الطاف حسین بھائی کی جانب سے شاباش اور خراج تحسین بھی پیش کیا۔ ایم کیو ایم رابطہ کمیٹی کے رکن امین الحق اور ریحانہ نسرین نے ڈسٹرکٹ سینٹرل، عارف خان ایڈوکیٹ نے کورنگی جبکہ زرین مجید اور اسلم آفریدی نے ڈسٹرکٹ ملیر میں حق پرست مستعفی اراکین اسمبلی کے دفاتر اور سیکٹر آفسز کا دورہ کرکے بلدیاتی انتخابات کی تیاریوں کا جائزہ لیا اور انتخابات کے سلسلے میں جاری انٹر ویوز میں شریک ہوئے۔ اس موقع پر انھوں بلدیاتی انتخابات میں حصہ لینے کے خواہشمند افراد کی بڑی تعداد موجود تھی جبکہ اس موقع پر کارکنان کی جانب سے عوام کی رہنمائی کیلئے مختلف اسٹالز بھی لگائے گئے تھیں۔ رابطہ کمیٹی کے اراکین نے انٹریوز پینل میں شامل ذمہ داران کو خاص ہدایات کی کہ بلدیاتی امیدواران کا چناؤ کرتے وقت ذاتی پسند نا پسند کو بلائے طاق رکھتے ہوئے صرف اور صرف میرٹ کی بنیاد پر فیصلے کئے جائیں۔