فاٹاگرینڈالائنس کے سربراہ سابق سینیٹر حمیداللہ جان آفریدی کی ایم کیوایم کے رہنمااورسابق وفاقی وزیربابر خان غوری سے فون پر گفتگو،فاٹاکوخیبرپختونخوا میں شامل کرنے کے معاملے پر تبادلہ خیال

لندن ۔۔۔ 22 ستمبر 2015ء

فاٹاگرینڈالائنس کے سربراہ اور’’ قبائلیت بچاؤ تحریک ‘‘ کے مرکزی رہنماسابق سینیٹر حمیداللہ جان آفریدی نے ایم کیوایم کے رہنمااورسابق وفاقی وزیر بابر خان غوری سے انٹرنیشنل سیکریٹریٹ لندن میں فون پر گفتگوکی اورفاٹاکوخیبرپختونخوا میں شامل کرنے کے معاملے پر تبادلہ خیال کیا۔ حمیداللہ جان آفریدی نے کہا کہ فاٹا کے عوام کی خواہشات کے برخلاف قبائلی علاقوں کوخیبرپختونخوا میں شامل کیاجارہاہے جبکہ فاٹاکے عوام چاہتے ہیں کہ فاٹاکے علاقوں پر مشتمل علیحدہ صوبہ تشکیل دیاجائے ۔ حمیداللہ جان آفریدی نے فاٹاکے صوبہ کے مطالبہ کی حمایت پر ایم کیوایم کے قائدالطاف حسین اورپوری قیادت کاشکریہ اداکیا۔ بابرخان غوری نے کہاکہ ایم کیوایم مظلوم قوموں کے حقوق کے لئے آوازبلندکرتی ہے،ایم کیوایم نے اس سے قبل بھی ملک کے دیگرحصوں کی طرح فاٹاکے عوام کے حقوق کے لئے آوازبلندکی ہے اوروہ آج بھی یہ سمجھتی ہے کہ فاٹاکے مستقبل کے بارے میں کوئی بھی فیصلہ فاٹاکے عوام کے خواہشات اورامنگوں کے مطابق کیاجائے ۔ بابرخان غوری نے کہاکہ وقت آگیاہے کہ پاکستان کومضبوط ومستحکم کرنے اوراسے ترقی وخوشحالی کی راہ پر گامزن کرنے کے لئے مزید20صوبے قائم کئے جائیں۔