وفاقی وزیرخزانہ اسحاق ڈار، جے یو آئی کے سربراہ مولانا فضل الرحمن اور اپوزیشن لیڈر سید خورشید شاہ کی ایم کیوایم کے رہنما ڈاکٹر فاروق ستار سے فون پر گفتگو، استعفے کے معاملے پر مذاکرات نہ کرنے کے فیصلے پر نظرثانی کی درخواست

کراچی ۔۔۔22، اگست2015ء

وفاقی وزیرخزانہ اورمسلم لیگ ن کے سینئررہنمااسحاق ڈار،جمعیت علمائے اسلام کے سربراہ مولانافضل الرحمن اورقومی اسمبلی میں اپوزیشن لیڈر سیدخورشیدشاہ نے آج ایم کیوایم کے رہنمااورقومی اسمبلی میں پارلیمانی لیڈر ڈاکٹرفاروق ستارسے فون پر رابطے کئے اوران سے استعفے کے معاملے پر مذاکرات نہ کرنے کے فیصلے پر نظرثانی کی درخواست کی ۔آج دوپہروفاقی وزیرخزانہ اسحق ڈاراورمولانافضل الرحمن نے ڈاکٹرفاروق ستارسے علیحدہ علیحدہ رابطے کئے۔ ڈاکٹرفاروق ستار نے گزشتہ روز وزیراعظم نوازشریف کی جانب سے اختیار کئے جانے والے رویہ پرایم کیوایم کے شدید تحفظات کا اظہار کیا۔ جس پر اسحاق ڈار اورمولانا فضل الرحمن نے ڈاکٹر فاروق ستارکویقین دلایا کہ حکومت ایم کیوایم کی جائز شکایات کودورکرے گی اوران کاازالہ کرے گی۔ قومی اسمبلی میں اپوزیشن لیڈر سید خورشید شاہ نے بھی ڈاکٹر فاروق ستار سے دومرتبہ فون پر گفتگوکی اوران سے استعفے کے معاملے پر مذاکرات کاسلسلہ بحال کرنے کی درخواست کی ۔ ڈاکٹر فاروق ستار نے خورشید شاہ سے گفتگو کرتے ہوئے وزیراعظم نوازشریف کے رویہ پرتحفظات کااظہارکیا۔انہوں نے مانیٹرنگ کمیٹی کے قیام کے معاملے پر وزیراعلیٰ سندھ سید قائم علی شاہ کے رویہ پر بھی اپنے شدیدتحفظات کااظہارکیا۔خورشیدشاہ نے ایم کیوایم کے مؤقف کودرست قرادیتے ہوئے کہاکہ جمہوری نظام کے لئے مذاکرات کے عمل کے ذریعے شکایات کوسامنے رکھنا چاہیے۔خورشیدشاہ نے اس دوران وزیرا عظم نوازشریف سے بھی رابطہ کیا ۔ 
English