کرکٹ اردو کامینٹری کے بانی منیر حسین کے انتقال پر الطاف حسین کااظہار افسوس

کرکٹ میں اردو کامینٹری کو متعارف کراکر مقام دلانے پر الطاف حسین کا منیر حسین مرحوم کو زبردست خراج عقیدت 

لندن۔۔۔29جولائی 2013ء

متحدہ قومی موومنٹ کے قائد جناب الطاف حسین نے کرکٹ میں اردو کامینٹری کے بانی منیر حسین کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں انہوں ں نے کہا کہ منیر حسین مرحوم نے عالمی سطح پر کرکٹ میں اردو کامینٹری کو جس طرح متعارف کرایا اور اسے ایک مقام دلا کر جو خدمت کی ہے اس پر مرحوم بردست خراج عقیدت کے مستحق ہیں ۔انہوں نے کہا کہ منیر حسین مرحوم نے کرکٹ کے میچوں میں بطور اردو کامینٹیٹر عمدہ نمائندگی کا مظاہرہ کیا اور ان کی اردو کامینٹری کا منفرد انداز لوگوں کے دلوں میں ہمیشہ زندہ رہے گا ۔ انہوں نے مرحوم کے سوگوار لواحقین سے دلی تعزیت وہمدردی کااظہا رکرتے ہوئے کہا کہ مجھ سمیت ایم کیوایم کے تمام کارکنان دکھ کی گھڑی میں آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگوارا ن کو صبرجمیل عطا کرے ۔ (آمین)