قائد ایم کیوایم الطاف حسین نے ذمہ داریاں پوری نہ کرنے پر رابطہ کمیٹی کراچی کو بر طر ف کر دیا ، اعلامیہ ایم کیوایم
کہف الوریٰ ،عبدالحسیب اور عارف خان ایڈوکیٹ رابطہ کمیٹی کے ممبر رہیں گے
رابطہ کمیٹی لندن کے بارے آج یا کل فیصلے کا اعلان کر دیا جائے گا
رابطہ کمیٹی کراچی کے برطرف ارکان سے درخواست ہے کہ وہ مرکز آنے کی زحمت نہ کریں
ایم کیوایم کے سینئر ارکان اپنے کوائف نائن زیرومرکز پر جمع کرائیں تاکہ نئی رابطہ کمیٹی تشکیل دی جاسکے، الطاف حسین
لندن۔۔ 25جولائی 2015ء
متحدہ قومی موومنٹ کے قائد جناب الطاف حسین نے رابطہ کمیٹی کے ارکان کے باربار قسمیہ اور حلفیہ بیانات اوروعدوں کے مطابق اپنی ذمہ داریاں پوری نہ کرنے پر رابطہ کمیٹی کراچی کو بر طر ف کر دیا ہے ۔ ایک بیان میں جناب الطاف حسین نے کہاکہ رابطہ کمیٹی لندن کے بارے آج یا کل فیصلے کا اعلان کر دیا جائے گا۔جناب الطاف حسین نے ایم کیوایم کے تمام زونوں اورسیکٹر وں سے تعلق رکھنے والے سینئر ارکان سے کہا کہ جو سینئر ارکان خود کورابطہ کمیٹی کی ذمہ داریاں سنبھالنے کے لئے اہل سمجھتے ہوں وہ آج ہی فی الفور اپنے نام، پتے ، موبائل نمبر اور گھر کے ٹیلی فو ن نمبرایم کیوایم کے مرکز نائن زیروعزیزآباد میں درج کرادیں تاکہ ان سینئراراکین کے انٹر ویوزکے بعد نئی رابطہ کمیٹی تشکیل دی جاسکے ۔ واضح رہے کہف الوریٰ ،عبدالحسیب اور عارف خان ایڈوکیٹ رابطہ کمیٹی کے ممبر رہیں گے ۔دریں اثناء رابطہ کمیٹی کراچی کے برطرف ارکان سے درخواست کی گئی ہے کہ وہ مرکز آنے کی زحمت نہ کریں۔