ایم کیوایم سینٹرل پنجاب زون ضلع لاہور کے کارکن چوہدری عارف عمران کمبوہ کے انتقال پر جناب الطاف حسین کااظہار افسوس

لندن۔۔۔21، جولائی 2015ء 

متحدہ قومی موومنٹ کے قائد جناب الطاف حسین نے ایم کیوایم سینٹرل پنجاب زون ضلع لاہور کے کارکن چوہدری عارف عمران کمبوہ کے انتقال پر گہرے دکھ اور افسوس کااظہا رکیا ہے ۔ ایک تعزیتی بیان میں انہوں نے مرحوم کی تحریکی خدمات کو سراہایا اور کہاکہ جب تک ایم کیوایم میں مخلص اور وفادار کارکنان ہیں دنیا کی کوئی طاقت اسے ختم نہیں کرسکتی اور چوہدری عارف عمران کمبوہ مرحوم بھی پنجاب میں ایم کیوایم کے پیغام حق پرستی کو پھیلانے کیلئے ہمیشہ سرگرم رہے ۔انہوں نے مرحوم کے سوگوار لواحقین سے دلی تعزیت وہمدردی کااظہار کرتے ہوئے کہا کہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے ۔ (آمین)