حکومت نے ایم کیوایم کے رہنماؤں اور منتخب نمائندوں پر جھوٹے مقدمات بنانے شروع کردیئے۔الطاف حسین

لندن ۔۔۔ 15 جولائی 2015ء

متحدہ قومی موومنٹ کے قائدجناب الطاف حسین نے کہاہے کہ اب یہ واضح ہوچکاہے کہ حکومت نے ایم کیوایم کے رہنماؤں اور منتخب نمائندوں پر جھوٹے مقدمات بنانے شروع کردیئے ہیں ۔اس سے پہلے رینجرزکی جانب سے یہ اعلان کیاجاچکاہے کہ ایم کیوایم کے سیکٹراوریونٹ انچارجزکوگرفتارکیاجائے گا اور اس اعلان کے مطابق ایم کیوایم کے بیشتر سیکٹر اور یونٹ انچاجزاوردیگرذمہ داروں کوگرفتارکیاجاچکاہے لہٰذا میں پاکستان خصوصاً کراچی اورسندھ کے عوام سے اپیل کر تا ہوں کہ حق پرست مائیں بہنیں اوربزرگ ایم کیوایم کے مرکزنائن زیرویاخدمت خلق فاؤنڈیشن کے مرکز واقع فیڈرل بی ایریا بلاک 14میں خود پہنچ کر زکوٰۃ فطرے کے عطیات جمع کرائیں۔ نائن زیرواورخدمت خلق فاؤنڈیشن کے مرکزپر جگہ جگہ ڈبے بھی رکھ دیے گئے ہیں عوام ان ڈبوں میں بھی اپنے عطیات ڈال سکتے ہیں۔انہوں نے کہاکہ ان عطیات کی مددسے غریب ومستحقین کی بلاامتیاز مددکی جائے گی جس کاسلسلہ برسوں سے جاری ہے۔انہوں نے کہاکہ تمام تر نامساعدحالات کے باوجوکل بروزجمعرات عزیزآبادمیں سالانہ امدادی پروگرام کیا جائے گاجس میں غریب ومستحق بیواؤں، یتیموں اور ناداروں میں امدادی سامان تقسیم کیاجائے گاتاکہ وہ بھی عیدکی خوشیاں مناسکیں ۔
وڈیو