ایم کیوایم کے قائد الطاف حسین نے بین الاقوامی مقابلے میں گولڈمیڈل حاصل کرنے والے کراچی کے نوجوان باڈی بلڈر عبدالمالک کو انکی شاندارکامیابی پر فون کرکے مبارکبادپیش کی

کراچی ۔۔۔ 24 جون 2015ء

متحدہ قومی موومنٹ کے قائدجناب الطاف حسین نے باڈی بلڈنگ کے بین الاقوامی مقابلے میں گولڈمیڈل حاصل کرنے والے کراچی کے نوجوان باڈی بلڈر عبدالمالک کو انکی شاندارکامیابی پر فون کرکے مبارکبادپیش کی ۔عبدالمالک نے جناب الطاف حسین سے فون پر گفتگوکرتے ہوئے کہاکہ انہوں نے مشکل حالات میں اس سے قبل 2012ء میں بھی بین الاقوامی مقابلے میں حصہ لیکراعزازحاصل کیاتھا اوراس مرتبہ بھی مشکلات کے باوجود بین الاقوامی مقابلے میں حصہ لیااورگولڈمیڈل حاصل کیا اوربین الاقوامی فورم پر پاکستان کاپرچم لہرایا۔ عبدالمالک نے کہاکہ میری خواہش ہے کہ میں مزیدبین الاقوامی مقابلوں میں حصہ لیکرپاکستان کانام روشن کروں۔ جناب الطاف حسین نے گولڈمیڈل حاصل کرنے پر عبدالمالک اوران کے تمام اہل خانہ کو مبارکباد پیش کرتے ہوئے کہاکہ آپ نے پاکستان کانام روشن کیا، آپ پرپاکستانیوں کوفخرہے ا ورہماری دعاہے کہ اللہ تعالیٰ آپ کومزیدکامیابیوں سے ہمکنارفرمائے ۔ انہوں نے عبدالمالک کیلئے 25 ہزارروپے انعام کااعلان کیااورایم کیوایم کے تمام سینیٹرز اورارکان قومی وصوبائی اسمبلی سے بھی کہاکہ وہ بھی عبدالمالک کی حوصلہ افزائی کیلئے اپنی اپنی تنخواہوں میں سے ایک ایک ، دودوہزارروپے انعام دیں۔