پاک فوج اور رینجرز کی جانب سے شدیدگرمی سے متاثرہ شہریوں کوطبی امداد فراہم کرنے کیلئے کراچی اوراندرون سندھ میں ’’ ہیٹ اسٹروک سینٹر ‘‘ قائم کرنا مثبت اورخوش آئندقدم ہے۔ الطاف حسین

لندن ۔۔۔ 22 جون 2015ء

متحدہ قومی موومنٹ کے قائدجناب الطاف حسین نے پاک فوج اور رینجرز کی جانب سے شدیدگرمی سے متاثرہ شہریوں کوطبی امداد فراہم کرنے کیلئے کراچی اوراندرون سندھ میں ’’ ہیٹ اسٹروک سینٹر ‘‘ قائم کرنے کاخیرمقدم کیاہے ۔اپنے ایک بیان میں جناب الطاف حسین نے کہاکہ میں نے کل ہی اپنے بیان میں شدیدگرمی اورلوڈشیڈنگ سے پیداہونے والی صورتحال پرقابوپانے اورشہریوں کی امداد کیلئے چیف آف آرمی اسٹاف جنرل راحیل شریف سے عملی اقدامات کرنے کی اپیل کی تھی، مجھے خوشی ہے کہ پاک فوج کی قیادت نے اس پر فوری نوٹس لیااور آج پاک فوج اوررینجرزکی جانب سے شدیدگرمی سے متاثرہ افرادکوطبی امداد فراہم کرنے کیلئے کراچی اور اندرون سندھ میں ’’ ہیٹ اسٹروک سینٹرز‘‘قائم کئے گئے ہیں جوکہ ایک مثبت اورخوش آئندقدم ہے۔ 
English