ایم کیوایم کے تحت صوبہ سندھ سمیت ملک بھرکے شہروں میں احتجاجی مظاہرے کیے جارہے ہیں

کراچی ۔۔۔16، جون2015ء

وفاقی وزیردفاع خواجہ آصف کی جانب سے مہاجروں کے بارے میں توہین آمیز اور اشتعال انگیز ریمارکس پر ملک بھر کے حق پرست عوام میں شدید غم وغصہ پایاجاتاہے اور دل آزار ریمارکس کے خلاف ایم کیوایم کے تحت صوبہ سندھ سمیت ملک بھرکے شہروں میں احتجاجی مظاہرے کیے جارہے ہیں ۔ تفصیلات کے مطابق مہاجروں کے بارے میں خواجہ آصف کے نفرت انگیز ریمارکس سے ملک بھرکے حق پرست عوام میں شدید غم وغصہ کی لہر پھیل گئی ہے اور حق پرست عوام کی جانب سے ملک بھر میں خواجہ آصف کے توہین آمیز ریمارکس کے خلاف احتجاجی مظاہروں کا سلسلہ شروع ہوگیا ہے ۔مہاجروں کے بارے میں وفاقی وزیردفاع خواجہ آصف کے توہین آمیز ریمارکس کے خلاف ایم کیوایم کی جانب سے مرکزی مظاہرہ منگل کی شام کراچی پریس کلب پر کیاجائے گاجبکہ حیدرآباد، سکھر، میرپورخاص، نواب شاہ، سانگھڑاورٹنڈوالہیار سمیت صوبہ سندھ کے تمام چھوٹے بڑے شہروں میں بھی احتجاجی مظاہرے کیے جائیں گے ۔ ایم کیوایم صوبہ پنجاب، صوبہ خیبرپختونخوااوربلوچستان کی جانب سے بھی ملک کے تمام چھوٹے بڑے شہروں میں احتجاجی مظاہرے منعقد کیے جارہے ہیں جن میں ایم کیوایم کے کارکنوں اور ہمدردوں کی بڑی تعداد شریک ہورہی ہے ۔
English