حق پرست اراکین اسمبلی کا واٹر بور ڈ کے چیف انجینئر اور دیگر حکام سے ملاقات

کراچی ۔۔۔16مئی 2015ء

حق پرست ایم این اے و رکن رابطہ کمیٹی کنور جمیل نے دیگر اراکین اسمبلی کے ہمراہ شہر میں بڑھتی ہوئی پانی کی شدید قلت اور اس سلسلے میں عوام کو حائل مشکلات سے آگاہ کیا اور اس کے حل کیلئے واٹر بورڈ حکام کی ہنگامی میٹنگ گلبرگ ٹاؤن آفس میں منعقد کی گئی ۔واٹر بورڈ حکام کی جانب سے چیف انجینئر سمیت دیگر اعلیٰ حکام نے میٹنگ میں شرکت کی جبکہ حق پرست اراکین اسمبلی میں عبد الوسیم،شیخ صلاح الدین،ریحان ہاشمی،صفیان یوسف ،انور رضا،جمال احمد اور وسیم قریشی شریک تھے۔کنور نوید جمیل نے واٹر بورڈ حکام سے بات کرتے ہوئے کہا کہ عوام شکایت کررہے ہیں کہ دس دس دن گزر جانے کے باوجود شہر میں پانی نہیں دیا جارہا ہے اور جب پانی کی سپلائی کھولی جاتی ہے تو اس میں بھی مضر صحت پانی دیا جاتا ہے جس سے پیٹ کی بیماریوں کا خدشہ ہے ۔اراکین اسمبلی نے گفتگو کرتے ہوئے کہا کہ حکومت کو چائیے کہ پانی کی قلت کو دور کرنے کیلئے بہتر فیصلے کرے جبکہ وہ ٹینکر کے ذریعے عوام کو پانی پہنچانے کا کہہ کرکراچی کی عوام کو کئی دہایاں پیچھے دھکیلنا چاہتی ہے جو کہ قابل مذمت عمل ہے۔انہوں نے کہا کہ حکومت دعووں اور وعدوں سے نکل کر (K-4) منصوبے کو فوری شروع کرائے اور اس منصوبے میں حا ئل ر کاوٹوں کو فوری طور پر دور کیا جائے۔حق پرست ارکان اسمبلی نے کہا کہ نارتھ کراچی ،نیو کراچی اور اس سے ملحقہ علاقوں میں کئی کئی ہفتوں سے پانی نہیں آرہا اور کہا یہ جارہا ہے کہ ان علاقوں کے پمپ ناکارہ ہوچکے ہیں ،اگر پمپ ٹھیک نہیں ہیں تو واٹر بورڈ ان کی فوری درستگی اور تبدیل کرنے کے عمل کو یقینی بنا ئے ۔انہوں نے کہا کہ آج بھی کئی علاقوں میں غیر قانونی کنکشن قائم ہیں جنہیں 24گھنٹے پانی مل رہا ہے یہ کس طرح چل رہے ہیں حکام اس جانب نظر کریں ورنہ عوام کی جانب سے کسی بھی رد عمل یا احتجاج کو روکنا ہمارے بس میں نہیں رہے گا۔کنور نوید نے متعلقہ حکا م کو آگا ہ کیا کہ اگر عوام کو آپ لوگوں نے تعاون فراہم نہ کیا تو پھر ہم پانی چوری اور پانی کی کمی کے لئے نیب اور عدالت سے رجوع کریں گے اور پھر عوام کے ساتھ ہم خود بھی احتجاج کریں گے۔ چیف انجینئر و اٹر بورڈ نے پانی کی کمی کے مسئلے کو حل کرنے اور شکا یا ت کا فوری ازلا لہ کرنے کیلئے اپنے مکمل تعاون کی یقین دہانی کرائی۔