کراچی میں انٹربورڈکے امتحانات میں نقل کی اطلاعات پر ایم کیوایم کے قائدالطاف حسین کاشدیدافسوس کااظہار
طلبہ وطالبات نقل سے گریز کریں، محنت کرکے امتحان پاس کریں، نقل سے ڈگری حاصل ہوسکتی ہے علم نہیں ۔ الطاف حسین
انٹربورڈکے حکام اوراساتذہ نقل کی روک تھام کیلئے سخت سے سخت اقدامات کریں۔ الطاف حسین
رابطہ کمیٹی اورارکان اسمبلی انٹربورڈ کے حکام اوراساتذہ کے ساتھ ملکرنقل کی روک تھام کیلئے حتی المقدورکوششیں کریں۔الطاف حسین
لندن ۔۔۔ 29 اپریل 2015ء
متحدہ قومی موومنٹ کے قائدجناب الطاف حسین نے کراچی میں انٹربورڈکے امتحانات میں نقل کی اطلاعات پر شدیدافسوس کااظہارکیاہے۔ اپنے بیان میں انہوں نے طلبہ وطالبات سے کوتلقین کی کہ وہ نقل سے گریز کریں، محنت کرکے امتحان پاس کریں، نقل سے ڈگری حاصل ہوسکتی ہے علم نہیں ۔ جناب الطاف حسین نے انٹربورڈکے حکام اوراساتذہ سے بھی گزارش کی کہ وہ نقل کی روک تھام کیلئے سخت سے سخت اقدامات کریں۔ انہوں نے ایم کیوایم کی رابطہ کمیٹی اورارکان قومی وصوبائی اسمبلی کوبھی ہدایت کی کہ وہ انٹربورڈ کے حکام اوراساتذہ کے ساتھ ملکرنقل کی روک تھام کیلئے حتی المقدورکوششیں کریں۔