میں نے کراچی کے شہریوں کو اپنے حقوق کیلئے جدوجہدکاشعوردیاہے اورانہیں سراٹھاکرجیناسکھایاہے۔ الطاف حسین

کراچی ۔۔۔ 12 اپریل 2015 ء

متحدہ قومی موومنٹ کے قائدجناب الطاف حسین نے کہاہے کہ جولوگ کراچی کے شہریوں سے یہ سوال کررہے ہیں کہ انہوں نے باربارالطاف حسین کوووٹ دیے توانہیں کیاملا؟ ایسے لوگوں کیلئے میں یہی کہتاہوں کہ الطاف حسین اگرچہ کراچی کے شہریوں کودولت ،مکان یاجائیدادیں نہیں دے سکالیکن میں نے انہیں اپنے حقوق کیلئے جدوجہدکاشعوردیاہے اورانہیں سراٹھاکرجیناسکھایاہے۔ جناب الطاف حسین نے یہ بات ہفتہ اوراتوارکی درمیانی شب جناح گراؤنڈ عزیزآبادمیں جمع ہونے والے عوام سے فون پر خطاب کرتے ہوئے کہی۔ جناب الطاف حسین نے کہاکہ بہت سے لوگ تمام ترعزت و احترام کے باوجو طعنے بازیوں سے بازنہیں آتے اورآج بھی اپنے جلسوں اورریلیوں میں عوام کوبدظن کرنے کیلئے یہ سوال کررہے ہیں تم نے باربار الطاف حسین کوووٹ دیاآخر تمہیں کیاملا۔انہوں نے کہاکہ ایم کیوایم سے قبل جس کادل چاہتاتھامہاجربستیوں پر لشکرکشی کرتاتھا،1964ء میں جنرل ایوب خان کے بیٹے گوہرایوب خان کی قیادت میں کراچی میں مہاجربستیوں پر چڑھائی کی گئی، 1986ء میں علی گڑھ اورقصبہ کالونی پرپہاڑیوں سے حملہ کرکے 300 معصوم وبے گناہ مہاجروں کا قتل عام کیاگیا، 30ستمبر1988ء کوحیدرآبادمیں 200سے زائد مہاجروں کوشہیدکردیاگیا۔ ایم کیوایم سے قبل بسوں، منی بسوں اورہرجگہ مہاجروں کی تذلیل کی جاتی تھی، ہماری ماؤں بہنوں کی بے حرمتی کی جاتی تھی، مہاجروں کوبلاجوازٹھڈے مارے جاتے تھے مگران پرڈھائے جانے والے مظالم اورناانصافیوں کے خلاف بولنے والاکوئی نہیں تھا۔ الطاف حسین نے محرومی کاشکارمظلوم مہاجروں کوعزت سے جیناسکھایا، ان میں اپنے حق کیلئے آواز اٹھانے کی جرات وہمت پیداکی ۔ہم نے غلامی کاوہ طوق توڑڈالاہے اوراب ہمارایہی عزم ہے کہ اگرکوئی ہماری عزت کرے گاتواسے عزت ملے گی، اگر کوئی پیارسے بات کرے گاتوہم بھی پیارسے بات کریں گے،اب ہم کسی کی دھونس دھمکی میں آنے والے نہیں۔ جناب الطاف حسین نے کہاکہ ہمارے لئے عزت اورغیرت ہرچیز سے بڑھ کرہے ۔ ہم ان کی اولادیں ہیں جنہوں نے قیام پاکستان کیلئے جدوجہدکی،پاکستان بنانے کانعرہ لگانے کی پاداش میں ہمارے بزرگوں کے سامنے انکے جوان بیٹوں کوذبح کردیاگیالیکن انہوں نے سرنہیں جھکایا،ہماری ماؤں بہنوں نے اپنی عزتیں بچانے کیلئے کنووں میں کودکر اپنی جانیں دیدیں لیکن اپنی عزت وناموس پر حرف نہیں آنے دیا۔ ہم عزت اورغیرت کی خاطر اپنی جانیں نچھاورکرتے ہیں۔ جناب الطاف حسین نے کہاکہ سازشی عناصر نے ماضی میں بھی مہاجروں، پختونوں،پنجابیوں اورسندھیوں کوآپس میں لڑایاتھالیکن اب ہم انکی سازشیں کامیا ب نہیں ہونے دیں گے ، اب ہم ایک پرچم تلے متحدہیں۔ جناب الطاف حسین نے کہاکہ میں امن پسندی پریقین رکھتاہوں اور چاہتاہوں کہ این اے 246کے ضمنی انتخابات پرامن ماحول میں ہوں، تمام جماعتیں ایک دوسرے کوبرداشت کریں اورامن وہم آہنگی کی فضاء قائم ہو۔ انہوں نے ایم کیوایم کے کارکنوں کوتاکیدکی کہ اگرکسی مخالف امیدوارکی ریلی کو آپ کے کیمپ کے سامنے سے گزرناہوتوآپ ریلی کے گزرنے کے وقت اپنے کیمپ کوقناتیں لگاکربندکرلیں اورریلی کے گزرجانے کے بعدقناتیں ہٹادیں تاکہ کسی کومخالفت میں نعرے بازی کاموقع نہ ملے اورکوئی ناخوشگوارصورتحال پیدانہ ہو۔ اسی طرح آپ اگراپنی ریلی نکالیں اورکسی مخالف جماعت کاالیکشن کیمپ آپ کی ریلی کے راستے میں آرہاہوتو آپ اپنی ریلی کاراستہ تبدیل کرلیں تاکہ آپ کاکسی مخالف کیمپ سے آمناسامنانہ ہو۔ جناب الطاف حسین نے مخالفین کی تمام تراشتعال انگیزیوں کے باوجود نہایت صبروبرداشت سے کام لینے پرکارکنوں کوشاباش اورخراج تحسین پیش کی ۔ انہوں نے کہاکہ مخالفین’’ نہ خودکھیلونہ کھیلنے دو‘‘ کی پالیسی پرگامزن ہیں لہٰذایم کیوایم کے کارکنان اپنے طورپرجتناممکن ہوصبروبرداشت سے کام لیں ، انشاء اللہ ایم کیوایم کے امیدوارکنورنوید بھاری اکثریت سے کامیابی حاصل کریں گے۔ جناب الطاف حسین نے جناح گراؤنڈمیں آنے والے عوام کی سہولت کیلئے چائے پانی کے انتظامات کرنے کی ہدایت کی ۔
English