جناب الطاف حسین کی صاحبزادی بے بی افضاء کی تیرہویں سالگرہ ،ایم کیوا یم کی جانب سے ورائٹی پروگرام کا انعقاد

خوبصورت اسٹیج پر HAPPY 13th BIRTHDAY To AFZAA ALTAF درج تھا 

تصاویر کراچی
تصاویر حیدرآباد
وڈیو
کراچی ۔۔۔۔5مارچ2015ء

ایم کیو ایم کے قائد جناب الطاف حسین کی صاحبزادی بے بی افضاء الطاف کی تیرہویں سالگرہ کے موقع پر ایم کیو ایم کے زیر اہتمام لال قلعہ گراؤنڈ عزیز آباد عظیم الشان ورائٹی پروگرام منعقد کیا گیا جس میں جناب الطاف حسین کی ہمشیرہ محترمہ سائرہ خاتون ،ایم کیوایم رابطہ کمیٹی کے جوائنٹ انچارجز ڈاکٹر نصرت شوکت ،کہف الوریٰ ، اراکین رابطہ کمیٹی لندن و پاکستا ن ،حق پرست ارکان سینیٹ ، قومی و صوبائی اسمبلی ، تنظیمی شعبہ جات کے ارکان ، مختلف سیکٹرز و یونٹس کے کارکنان اور ذمہ داران سمیت بچوں ، خواتین ، نوجوانوں نے بڑی تعداد میں شرکت کی اور بے بی افضاء کی سالگرہ پر جناب الطاف حسین اور بے بی افضاء الطاف کو زبردست مبارک باد پیش کی۔ اس موقع پر جناب الطاف حسین کی جانب سے تقریب میں شریک معصوم بچوں اور بچیوں کیلئے جمپنگ کاسل سمیت دیگرجھولے نصب کئے گئے او ر بچوں میں تحائف تقسیم کئے گئے جبکہ تقریب کے شرکاء میں چاکلیٹ کیک بھی تقسیم کیاگیا۔ اس موقع پر لال قلعہ گراؤنڈ میں بہترین انتظامات کرکے پنڈال تیار کیا گیا تھا جس کے اندر و باہر بے بی افضاء الطاف اور جناب الطاف حسین کی تصاویر آویزاں کی گئی تھیں جبکہ سالگرہ میں شریک بچوں کی تفریح کیلئے پنڈال کے چاروں اطراف رنگین جھالریں اور غبارے نصب کئے گئے تھے جو انتہائی خوبصورت منظر پیش کر رہے تھے۔ ورائٹی پروگرام میں ملک کے معروف گلوکار خالد عمر،مراد علی مراد، نعیم عباس روفی ، امجد رانا ، ار فضا علی سمیت سمیت دیگر خواتین و مرد گلوکاروں نے اور فنکاروں نے اپنے فن کا مظاہرہ کرکے عوام سے داد سمیٹی جبکہ مراد علی مراد نے عوام کی بھر پور فرمائش پر Happy BirthDay To Youنغمہ سنایااور افضاء الطاف کو مبارک باد پیش کی جس پر عوام نے والہانہ رقص کیا اور بھنگڑے ڈالے۔تقریب کیلئے تیار کئے جانے والے بڑے اسٹیج کو خوبصورت رنگوں سے مزین کیا گیا تھا جبکہ مین اسکرین پر HAPPY 13th BIRTHDAY To AFZAA ALTAFجلی حروف میں درج تھا اور مین اسکرین کی بالائی سطح پر پاکستان اور ایم کیوایم کے پرچم لہرائے گئے تھے ۔