لال قلعہ گراؤنڈ میں ہونیوالیلیبر ڈویژن کے سالانہ کنونشن میں بڑی پینا فلیکس اسکرینیں

کراچی ۔۔۔28، فروری 2015ء 

متحدہ قومی موومنٹ لیبر ڈویژن کے سالانہ 28ویں لیبرکنونشن کے سلسلے میں لال قلعہ گراؤنڈ عزیز آباد کے چاروں اطراف ، جناح گراؤنڈ سمیت مکا چوک تک بڑی پینا فلیکس اسکرینیں لگائی گئی تھیں ۔ اسکرینوں پرایک جانب قائد تحریک جناب الطاف حسین کی مختلف خوبصورت تصاویر بنی ہوئی تھیں اور ان میں ملک کی صنعتی و معاشی ترقی ، مزدوروں کے حقوق اوراس حوالے سے ایم کیوایم کی جدوجہد کی تصاویر کے ذریعے خوبصورت منظر کشی کی گئی تھی جبکہ دوسری جانب پینا فلیکس اسکرینوں پر ’’شکست کھا کے رہے گی چراغ سے ہر شام ‘‘’’اس دور کے مزدوروں کی تقدیر ہے الطاف ‘‘’’خوشحال مزدور ، مستحکم پاکستان ‘‘’’ہمارا عزم ہے کہ سر بلند رکھنا ‘‘’’آئینی افکار سے تعمیر کے سو رنگ ‘‘ جیسے انقلابی اشعار کے علاوہ قائد تحریک جناب الطاف حسین کی درازی عمر ، صحت وتندرستی اور ناگہانی آفات سے بچاؤ کیلئے دعائیہ کلمات اور لیبر ڈویژن کے 28ویں یوم تاسیس کی دلی مبارکبا د کے الفاظ جلی حروف میں تحریر تھے ۔