ایم کیوایم نواب شاہ زون میں قائم خدمت خلق فاؤنڈیشن کے ضلعی دفترکے لئے ایمبولینس اور راولپنڈی زون کو دوردراز سے آنے والے کارکنا ن کی آمدو رفت کی سہولت کے لئے سوزوکی ہائی روف کا تحفہ

کراچی ۔۔۔۔24فروری2015

متحدہ قومی مومنٹ کے قائد جناب الطاف حسین کی جانب سے ایم کیوایم نواب شاہ زون میں قائم خدمت خلق فاؤنڈیشن کے ضلعی دفترکے لئے ایمبولینس اور راولپنڈی زون کو دوردراز سے آنے والے کارکنا ن کی آمدو رفت کی سہولت کے لئے سوزوکی ہائی روف کا تحفہ پیش کیا گیا۔ ایم کیوایم رابطہ کمیٹی کے جوائنٹ انچارجز ڈاکٹر خالد مقبول صدیقی،و چیف ٹرسٹی کے کے ایف ڈاکٹر نصرت شوکت نے ایمبولینس کی چابیاں اور دستاویزات ایم کیوایم نواب شاہ زون کے انچارج عاصم کبیراور راولپنڈی زون کے لئے ہائی روف کی چابی اور کاغذات ایم کیوایم صوبائی کمیٹی پنجاب کے رکن شرافت زیدی کے حوالے کئے، ایمبولینس اور ہائی روف کی فراہمی پر انچارج زونل کمیٹی نوابشاہ اور رکن صوبائی کمیٹی پنجاب نے نوابشاہ اور راولپنڈی کے عوام کی جانب سے جناب الطاف حسین کا شکریہ ادا کیا ۔ اس موقع پرصوبائی کمیٹی سندھ کے انچارج عمر قریشی اور دیگر بھی موجود تھے ۔