اے پی ایم ایس او کے تحت جامعہ کراچی ولیکا گراؤنڈ میں تیرہویں پیغام امن کرکٹ ٹورنامنٹ شروع ہوگیا

تصاویر
کراچی ۔۔۔23، فروری 2015ء

آل پا کستان متحدہ اسٹوڈیٹنس آرگنائزیشن کے زیر اہتمام جامعہ کراچی ولیکا گراؤنڈ میں تیرہواں پیغا م امن کرکٹ ٹو رنا منٹ آج سے شروع ہوگیا۔ ٹورنامنٹ میں ایم کیوایم کی رابطہ کمیٹی کے جوائنٹ انچارج ڈاکٹر خالد مقبول صدیقی نے مہمان خصوصی کے طور پر شرکت کی۔ ٹورنامنٹ کے پہلے روز جامعہ کراچی کے مختلف شعبوں کی ٹیموں نے حصہ لیا اوراپنی شاندار بیٹنگ ، فیلڈنگ اور بولنگ کے جوہر دکھائے جس پر ٹورنامنٹ کے شرکاء نے کھلاڑیوں کو بھر پور داد دی ۔ اس موقع پر کر کٹر فواد عالم ،قائم مقام وائس چانسلر جامعہ کراچی اور ڈین آف فارمیسی ڈاکٹر غزالہ ،رجسٹرار جامعہ کراچی ڈاکٹر معظم علی خان ،ڈائریکٹر وومن اسٹڈیز نسرین اسلم شاہ ،ڈائریکٹر اسپورٹس انجم عزیز ، اسٹوڈینٹس ایڈوائزرڈاکٹر انصر رضوی ، کیمپس اسٹوڈینٹس ایڈوائزر ڈاکٹر زبیر بھی موجود تھے ۔ٹورنامنٹ کی افتتاحی تقریب کے شرکاء سے خطاب کرتے ہوئے ڈاکٹر خالد مقبول صدیقی نے کہا کہ جناب الطاف حسین نے جامعہ سے حق پرستانہ جدوجہد کا آغاز کیا اور اس مقصد کیلئے اے پی ایم ایس او کی بنیاد رکھی جس نے انقلابی تحریک ایم کیوایم کو جنم دیا۔ انہوں نے کہا کہ جامعہ کراچی کے درو دیوار سے آج بھی جناب الطاف حسین کی گہری یادیں وابستہ ہیں اور اے پی ایم ایس او کا وجود جامعہ کراچی میں جناب الطاف حسین کی موجودگی کا احساس دلاتا رہتا ہے ۔انہوں نے کہا کہ اے پی ایم ایس اونے ہمیشہ طلباء کو علم کی جانب مائل کیا ہے اور جناب الطاف حسین کے فکرو فلسفہ اور نظریئے کو فروغ دیا ہے جس پر اے پی ایم ایس او کے ذمہ داران و کارکنان زبردست خراج تحسین کے مستحق ہیں۔انہوں نے کہا کہ پاکستان کے عوام کے ساتھ ناانصافیوں کا تسلسل جاری ہے ، جامعہ کراچی کے ساتھ ساتھ کھیل کے میدان کو بھی نہیں چھوڑا گیا اور تعصب برتا جارہا ہے جبکہ ورلڈ کپ میں جن کھلاڑیوں کو ہونا چاہئے تھا وہ آج یہاں موجود ہیں ۔ انہوں نے کہا کہ پاکستان کا استحکام اور سا لمیت زیادہ سے زیادہ علم کے حصول میں پنہاں ہے اور علم کے ذریعے دہشت گردی کا مقابلہ کرکے ملک کو اس سے مستقل نجات دلائی جاسکتی ہے ۔ اس موقع پر انہوں نے ایک صحافی کے سوال کے جواب میں کہا کہ حکومت میں شامل ہونا زیر غور نہیں،
ضرورت پڑی تو سندھ اسمبلی میں اپوزیشن لیڈر اپنا لائیں گے جبکہ ایم کیوایم سینیٹ کی چار نشستیں حاصل کرلے گی۔
English Viewers
وڈیو