ایم کیوایم کے قائد الطاف حسین کو طالبان کی جانب سے دی جانیوالی دھمکیوں پر رابطہ کمیٹی، حق پرست سینیٹرز اور ارکان قومی و صوبائی اسمبلی کے برطانوی وزیراعظم ڈیوڈ کیمرون، وزیرداخلہ ٹریسامے اور دیگر برطانوی حکام کو علیحدہ علیحدہ خطوط

کراچی۔۔۔ 14 اکتوبر2014ء

متحدہ قومی موومنٹ کی رابطہ کمیٹی، حق پرست سینیٹرزاور ارکان قومی وصوبائی اسمبلی نے برطانیہ کے وزیراعظم ڈیوڈکیمرون، وزیر داخلہ ٹریسامے اور دیگربرطانوی حکام کوعلیحدہ علیحدہ خطوط لکھے ہیں جن میں انہوں نے طالبان کی جانب سے ایم کیوایم کے قائدجناب الطاف حسین اوردیگرقائدین کودی جانیوالی قتل کی دھمکیوں پر اپنی گہری تشویش کااظہار کیاہے۔ اپنے علیحدہ علیحدہ خطوط میں انہوں نے کہاہے کہ ایم کیوایم ایک لبرل اورروشن خیال جماعت ہے جوشروع دن سے مذہبی انتہاپسندی اوردہشت گردی کے خلاف ہے،جناب الطاف حسین نے ہمیشہ ہرفورم پرمذہبی انتہاپسندی اورطالبانائزیشن کے خلاف آوازبلندکی ہے،ان لبرل اورروشن خیال نظریات کی وجہ سے انتہا پسندعناصرہمیشہ سے قائدتحریک جناب الطاف حسین اور ایم کیوایم کی قیادت کے خلاف رہے ہیں اور انہیں نقصان پہنچانے کے درپے رہے ہیں۔ حالیہ دنوں میں ایک بارپھرقائدتحریک الطاف حسین اوردیگررہنماؤں کوطالبان کی جانب سے کھلی دھمکیاں موصول ہوئی ہیں جن سے ایم کیوایم کے لاکھوں کارکنوں سمیت دنیابھرمیں موجودقائدتحریک الطاف حسین کے چاہنے والوں میں سخت تشویش پائی جاتی ہے ۔ رابطہ کمیٹی، حق پرست سینیٹرزاور ارکان قومی وصوبائی اسمبلی نے برطانیہ کے وزیراعظم ڈیوڈکیمرون، وزیرداخلہ ٹریسامے اور دیگر برطانوی حکام سے اپیل کی کہ لندن میں قائدتحریک جناب الطاف حسین کی حفاظت کیلئے کی بھرپوراورمؤثراقدامات کئے جائیں۔