ایم کیوایم کے زیراہتمام امریکہ میں دہشت گردی کا نشانہ بننے والے بے گناہ افراد کی یاد میں ایم کیوایم کے مرکز نائن زیرو پر شمعیں روشن

کراچی:۔۔۔14؍جون2016ء

مریکہ میں دہشت گردی کانشانہ بننے والے افرادکی یادمیں متحدہ قومی موومنٹ کے قائد جناب الطاف حسین کی ہدایت پر ایم کیو ایم کے مرکز نائن زیرو پر شمعیں روشن کی گئیں اورہلاک شدگان کے اہل خانہ سمیت امریکی قوم سے مکمل اظہاریکجہتی کیاگیاجس میں ملک کی نامور شخصیات اورمختلف مذاہب اورمسالک سے تعلق رکھنے والے افرادنے بڑی تعداد میں شرکت کی اورامریکہ میں دہشت گردی کے واقعہ کی کھل کرمذمت کی اورشمعیں روشن کرکے ہلاک شدگان کے اہل خانہ سے اظہاریکجہتی کیا۔تقریب میں ایم کیوایم کی رابطہ کمیٹی کے سینئر ڈپٹی کنوینر عامر خان ، ارکان رابطہ کمیٹی عارف خان ایڈووکیٹ،گلفرازخان خٹک،مطیع الرحمن،محفوظ یار خان،محمدحسین اور نامزد میئر کراچی وسیم اخترنے خصوصی طور پر شرکت کی۔ تقریب کے شرکاء سے خطاب میں نامزدمیئر کراچی وسیم اختر نے ایم کیوایم کے قائد جناب الطاف حسین ،اراکین رابطہ کمیٹی،حق پرست اراکین اسمبلی اورایم کیوایم کے ایک ایک کارکن کی جانب سے امریکہ میں دہشت گردی کے واقعے کی شدیدمذمت کرتے ہوئے امریکہ میں ہلاک ہونیوالے افرادکے اہل خانہ سے اظہارہمدردی کیا۔انہوں نے کہا کہ امریکہ کے رہنے والوں کے لئے ایک خونی واقعہ ہے بحیثیت پاکستانی اوربحیثیت پارٹی ہم بھی دہشت گردی کے خلاف جہاد کررہے ہیں ہماری جماعت میں بہت سارے لوگ اسی دہشت گردی کے واقعات کا شکار ہوئے ہیں ۔انہوں نے کہاکہ ہماری فوج دہشت گردی کا نشانہ بن رہی ہے ، ہمارا ملک بھی دہشت گردی کا نشانہ بن رہاہے ہم کوشش کریں گے کہ یہ دہشت گردی کی بیماری جلد از جلد ختم ہو۔انہوں نے کہاکہ امریکہ میں پیش آنے والاواقعہ دہشت گردی کا بدترین اوربہت بڑاواقعہ ہے جس کی جتنی بھی مذمت کی جائے کم ہے۔وسیم اخترنے کہاکہ ایم کیوایم امن پسند جماعت ہے جوشروع دن سے دہشت گردی کے خلاف ہے اورہردورمیں دہشت گردی کا شکار رہی ہے اور اس دہشت گردی کے خلاف ہم پہلے دن سے جنگ کررہے ہیں۔

ہمارے لوگوں کودہشت گردی کی بھینٹ چڑھایاگیااورانہیں بے دردی سے ماراگیا۔انہوں نے کہاکہ ایک دن آئے گا جب ہم دہشت گردی کی بیماری کوجڑسے ختم کرپائیں گے ۔وسیم اخترنے ایک بار پھر امریکی عوام خصوصاًدہشت گردی کے واقعہ میں ہلاک ہونیو الے افرادکے اہل خانہ سے دلی ہمدردی اوریکجہتی کااظہارکیااوران کے صبرکے لئے نیک خواہشات کااظہارکیا۔ تقریب سے خطاب کرتے ہوئے ایم کیوایم کی سنٹرل ایگزیکٹوکونسل کے رکن ساتھی اسحاق ایڈووکیٹ نے کہاکہ پاکستان سمیت دنیابھرمیں کہیں بھی دہشت گردی کا واقعہ ہوتوسب سے پہلے قائدتحریک الطاف حسین کی جانب سے اس کی مذمت کی جاتی ہے ایم کیوایم واحدجماعت ہے جس نے امریکہ میں پیش آنے والے دہشت گردی کے واقعے کی سب سے پہلے مذمت کی اور اس پرعملی مظاہرہ کیاتاہم جب ایم کیوایم کے ساتھ دہشت گردی کاواقعہ پیش آتاہے توکوئی بھی اس کاساتھ نہیں دیتا۔انہوں نے کہاکہ اس کے باوجودایم کیوایم کے حق میں کوئی آواز بلندنہیں ہوتی ایم کیوایم اورالطاف حسین انسانیت کی بنیادپردہشت گردی کے خلاف آوازاحتجاج بلندکرتے نظرآتے ہیں۔تقریب سے آرٹس کونسل کراچی کے صدراعجاز فاروقی نے خطاب میںآرٹس کونسل کے تمام ممبران،تمام کھلاڑیوں اوراولڈبوائز ایسوسی ایشن کی جانب سے امریکہ میں دہشت گردی کے واقعے کی مذمت کرتے ہوئے کہاکہ ایم کیوایم واحد جماعت ہے جس نے اس افسوسناک واقعہ پرسب سے پہلے آوازاحتجاج بلندکیااور پوری دنیامیں پیغام بھیج دیاکہ ایک جماعت ہے جوانسانیت کی بنیادپر کام کررہی ہے اوروہ جماعت متحدہ قومی موومنٹ ہے۔انہوں نے کہاکہ پاکستان یادنیامیں کہیں بھی دہشت گردی ہومتحدہ قومی موومنٹ نے ہمیشہ اس کی مذمت میں پہل کی ہے اورہمیشہ پہلاقدم اٹھاکرثابت کردیا کہ وہ مظلوموں کی جماعت ہے۔معروف دانشورحیدرامام رضوی نے کہاکہ قائدتحریک الطاف حسین کانظریہ ہے جس کے ہم پابندہیں کہ ’’مذہب ہرانسان کاذاتی فعل ہوتاہے ‘‘۔انہوں نے کہاکہ قائد تحریک الطاف حسین کانظریہ کہ دنیامیں سب انسان برابرہیں اس میں کہیں کوئی فرق نہیں،امریکہ میں جوقتل ہوااس پرکسی جماعت یارہنماء نے کہیں کوئی آوازنہیں اٹھائی صرف اورصرف الطاف حسین بھائی اور ایم کیوایم ہیں جنہوں نے اس دہشت گردی کی کھل کرمذمت کی اوراس کے خلاف آوازاٹھاتے ہوئے متاثرین سے اظہاریکجہتی کے لئے شمعیں روشن کیں۔انہوں نے کہاکہ سب انسان ایک جیسے ہیں جنہیں اللہ تعالیٰ نے پیداکیا۔انہوں نے ایم کیوایم کے اقدام کی تعریف کرتے ہوئے کہا کہ دنیابھرکے انسانوں ایک ہوجاؤ۔تقریب سیمہاجررابطہ کونسل کے صدرجاوید اقبال نے تقریب سے خطاب میں کہاکہ دہشت گردی کہیں بھی ہورہی ہوقائدتحریک الطاف حسین واحدلیڈرہیں جنہوں نے سب سے محض انسانیت کی بنیادپرپہلے آوازاحتجاج بلندکرتے ہوئے اس دہشت گردی کے واقعے کی نہ صرف شدیدمذمت کی بلکہ عملی طورپر اس کا مظاہرہ کیاہے۔ایم کیوایم کی سینٹرل ایگزیکٹوکونسل کے رکن پروفیسرڈاکٹرظفرعارف نے تقریب سے خطاب میں کہاکہ قائدتحریک الطاف حسین کی ہدایت پرمتحدہ قومی موومنٹ کی جانب سے یہاں جوتقریب منعقدکی گئی ہے وہ ایک سوچ کے خلاف ہے یہ وہ ہی سوچ ہے جس نے امریکہ میں شہریوں کودہشت گردی بھینٹ چڑھادیااوریہی سوچ پاکستان سمیت دنیابھرمیں انسانوں کودہشت گردی کانشانہ بناتی چلی آئی ہے۔انہوں نے کہاکہ ایم کیوایم واحدجماعت ہے جواس سوچ کے خلاف طویل عرصے سے جدوجہدکررہی ہے ۔ ایم کیوایم کی سوچ پر وگریسو اورمثبت ہے۔ہمیں صبرکادامن ہاتھوں سے نہیں چھوڑناچاہئے اوربرداشت کے پہلوکوسامنے رکھناچاہئے۔انہوں نے امریکہ میں دہشت گردی کے واقعہ کی شدیدالفاظ میں مذمت کرتے ہیں اوریہ سمجھتے ہیں کہ انسان ایک گلوبل وولیج میں رہ رہاہے چنانچہ آج کانائن زیروپریہ جلسہ بہت اہمیت کاحامل ہے ۔انہوں نے کہاکہ ہم آج بھی دہشت گردی کے خلاف ہیں اورکل بھی دہشت گردی کے خلاف آواز بلندکرتے رہیں گے۔پاسٹراقبال جاویدنے کہاکہ آج کی یہ شام جواورلینڈومیں ہونیو الے افسوسناک واقعہ کی یادمیں منعقدکی گئی ہے اس نے بتادیاکہ یہ ہی وہ مقام ہے جہاں بھی کسی پرظلم ہوتوپہلی آوازیہاں ’’نائن زیر‘‘وسے ہی اٹھتی ہے۔انہوں نے کہاکہ اسلام امن پسندی کامذہب ہے جوہرقسم کی دہشت گردی کے خلاف ہے۔ایک انسان کاقتل پوری انسانیت کاقتل ہے۔ہمیں انسانیت کی بنیادپرکام کرناہوگا۔ تقریب میں نظامت کے فرائض ایم کیوایم کی رابطہ کمیٹی کے رکن گلفرازخان خٹک نے انجام دیئے۔

مزید تصاویر